Suleqatigiinnissamut isumaqatigiinneq

Juunip 16-iat, 2014

Assiliisoq: Lars Demant-Poort


Greenland Oil Spill Response-p nunarsuarmi uuliakoornissamut upalungaarsimanermut kattuffiit annersaannut suleqatigiinnissamut isumaqatigiissut (MoU) atsiorpaa

Nuuk,ulloq 16. juni 2014: Greenland Oil Spill Response-p (GOSR), uuliakoornissamut upalungaarsimanermut ingerlatseqatigiiffiusup Namminersorlutik Oqartussanit pigineqartup, Oil Spill Response Limited-imut (OSRL) ingerlatseqatigiiffiit Kalaallit Nunaanni sullitaannut ataatsimoorussanut sullississutaasa pitsanngorsarneqarnissaat pillugu suleqatigiinnissamut isumaqatigiissut taaneqartartoq Memorandum of Understanding (MoU) atsiorpaa. GOSR-iop aamma OSRL-ip akornanni MoU-imut siunertaavoq, Kalaallit Nunaanni sulississutimik pitsaanerpaajutinnissaannut suleqatigiit marluk taakkua akornanni suleqatigiinnerup nukittorsarneqarnissaa, tamanna ingerlatseqatigiiffiit piginnaasaat ataatsimoorussamik ikiorsiullugit anguneqartussamik, suleqatigiinnermut ataatsimoorussanik sinaakkutissiinikkut aammalu uuliakoornissamut upalungaarsimanermut isumalluutinullu aporfeqanngitsumik marluk taakku akornanni ingerlanneqartumik pilersaarusiornikkut pissaaq.

“GOSR uuliakoornermut upalungaarsimanermut ingerlatseqatigiiffiuvoq pilersinneqaqqammersoq aammalu Kalaallit Nunaanni suliffissuarnit aamma oqartussaasunit avatangiisit eqqumaffigineqarnerulernerat siullermeertumik misigivarput. Uuliakoornissamut upalungaarsimanermi sullissinernik sunniuteqarluartumik sukkasuumillu pilersuisinnaanissarput aallartillualeruttorparput, kisianni sullississutitta ingerlaavartumik inerisartuarnissaat annertusartuarnissaallu pingaaruteqartorujussuuvoq, aammalu kattuffinnit OSRL-itut ittunit misilittagaqarnerusunit ilinniagaqarluta pitsaanerusumik taamaaliorsinnaavugut. Taamaattumik nuannaarutigisorujussuuara OSRL-imut nunarsuarmi uuliakoornissamut upalungaarsimanermut kattuffiit annersaannut MoU atsiorsinnaagatsigu aammalu naatsorsuutigaara suleqatigiinneq kattuffinnut marlunnut taakkununnga, sullitatsinnut aammalu Kalaallit Nunaanni uuliakoornissamut upalungaarsimaneq ataatsimut isigalugu nukittorsaassasoq” oqarpoq GOSR-imi Pisortaaneq Lonnie B. Wilms.

Robert Limb, OSRL-imut Pisortaaneq oqarpoq; “GOSR peqatigalugu uuliakoornissamut upalungaarsimanermi atugassatta annertusinissaat aammalu qanoq ililluta sapinngisamik pitsaanerpaamik Kalaallit Nunaanni uuliakoornissamut upalungaarsimanermik ataqatigiissaakkamik sunniuteqarluartumillu pilersuisinnaassanerluta misissornissaa qilanaaraarput. Uuliakoornissamut upalungaarsimanermi suliffissuaqarneq ineriartorpoq aammalu Tier 1-imi, 2-imi aamma 3-imi kattuffiit avatangiisini periarfissatullu ilusiliani assigiinngitsuni sapinngisamik pitsaanerpaamik qanoq suleqatigiilluarnerusinnaanersut misissuinissaq pisariaqartinneqarpoq. MoU taanna suleqatigiinnerulernermut iluaqutaassaaq aammalu suliffissuit pitsaanerusumik suleqatigiinnissaannut tunngavisseeqataassalluni”.

Greenland Oil Spill Response (GOSR) pillugu GOSR 2012-imi pilersinneqarpoq aammalu 100 %-imik Namminersorlutik Oqartussanit pigineqarluni. GOSR uuliamik mingutsitsinissamut upalungaarsimanermut, uuliamik mingutsitsinerup kingorna avatangiisini saliinermut allatullu Kalaallit Nunaanni aatsitassanut suliassaqarfiup iluani assigusumik suliaqarnermut tunngatillugu niuernermik tunngaveqartumik suliaqarnermik ingerlatsisuuvoq. Ingerlatseqatigiiffiup allaffia Nuummiippoq aammalu ilaasortai tassaapput uulisiornermik gassisiornermillu suliaqartut Kalaallit Nunaanni soqutigisaqartuusut.

Paasissutissanik annertnerusunik piniarnermi takuneqarsinnaavoq www.gosr.gl imaluunniit attaveqarfigiuk:

Pisortaaneq Lonnie B. Wilms 
e-mail: lbw@gosr.gl
Tlf.: +299 560 245

Oil Spill Response Limited (OSRL) OSRL tassaavoq uuliakoornissamut upalungaarsimanermut kattuffik suliffissuarnit pigineqartoq, uuliakoornermut upalungaarsimanermik sukkasuumik aallartitsinissamik nunarsuaq tamakkerlugu suliaqartartoq. Ingerlatseqatigiiffik tamakkiisumik uuliasiorfiutileqatigiiffinnit nunarsuarmi annersaasunit aamma avatangiisinik eqqumaffiginnittunit 45-init pigineqarpoq aammalu ilaasortai nunarsuarmi uuliamik tunisassiornerup 60 %-ianit annertunerusumik tunisassiortuullutik. OSRL nunarsuarmi sumiiffinni assigiinngitsuni 11-ini agguarsimasunik 300-it missaannik sulisoqarpoq. Uuliakoornissamut upalungaarsimanermut ingerlatseqatigiiffinni siuttuusutut OSRL ukiut qulikkaat pingasut iluanni uuliakoornernik 400-init amerlanerusunik saliinermut peqataasimavoq, ilanngullugu 2010-imi Mexicanske Golf-imi Macondo-mi ajutoorneq aamma 2009-imi Australiami Montara-mi kuutsitsisoorneq.

Paasissutissanik annertunerusunik piniarnermi takuuk www.oilspillresponse.com.